చదువంటే..

' యావన్మందికీ తెలియజేయునది ఏమనగా.....ఈ అడవిని పాలించే రాజుగారు అడవిలోని జంతువులకు నైపుణ్య పరీక్ష పెట్టాలని నిర్ణయించారు.అంతా తప్పక రావాలహో.....

చాటింపు మారుమోగిపోయింది.' జంతువులన్ని ఉత్సాహంగా బయల్దెరాయి. తీరా వెళ్ళాకా.....ఇదిగో ఈ చెట్టును ఎవరు ఎక్కగలరో... వాళ్ళే విజేతలని ప్రకటించారు.
ఆ మాట వినగానే నెమలమ్మ ముఖంలో కళ తప్పింది.మయూరం నాట్యంలో మిన్న.పురివిప్పి ఆడిందంటే.. ప్రకృతి పరవశించి పొతుంది.కానీ....
మృగరాజు మౌనంగా నిష్కృమించాడు.సింహబలానికి సాటిలేదు,వేటలో తిరుగులేదు.కాని...
చేపపిల్ల కన్నీరు పెట్టుకుంటు వెనుదిరిగింది.నీటిలో ఎన్ని విన్యాసాలైన చేయగలదు.కానీ....
జింకకైతే ఏడుపు ఆగలేదు.మనోవేగంతో పరుగెత్తగలదు.కానీ....
చెట్టెక్కడం చేతకాదు.

' ఇదేం న్యాయం? ఇదెక్కడి ధర్మం? చెట్టెక్కడమే ఏకైక కొలమానమా? ఆ విద్య తెలియకపోవడం అవిద్య కిందికే వస్తుందా?
నాట్యాల నెమలి ఎందుకు పనికిరానట్టా? అందాల చేపపిల్ల అక్కరకు రాకుండా పోతుందా?
సింహానికి చేవలేదని తేల్చేస్తారా? ఏ జీవి ప్రత్యేకత ఆ జీవిదే.ప్రతి నేపుణ్యం ప్రత్యేకమైందే్్ '....అడవి జంతువులు ఆక్రోశించాయి.
      మన విద్యా విధానాన్ని కూడ కన్నవారు ఇంతే తీవ్రంగా విమర్శిస్తున్నారు." పది జవాబులను బట్టిపట్టి ....పరీక్ష పేపరు మీద కక్కేస్తే తెలివైన విద్యార్థి కింద లెక్కా? గ్రేడ్ల వీరతాళ్లు వేస్తారా? ర్యాంకుల కిరీటం తొడుగుతారా?
ఓ అబ్బాయికి ఆల్జిబ్రా అంటే ఇష్టం ఉండకపోవచ్చు.కానీ చక్కగా బొమ్మలేస్తాడు.ఆ నైపుణ్యాన్ని ఎందుకు గుర్తించరు.మరో అమ్మాయికి ఫిజిక్స్ అంటె బొర్ బొర్ కావచ్చు.కాని ఫొటొగ్రఫిలో మాత్రం బోలెడన్ని ప్రయోగాలు చెయ్యొచ్చు.ఫిజిక్స్ ఒక సబ్జెక్ట్ అయినపుడు,ఫొటొగ్రఫి మాత్రం కాకుండా పోతుందా? కాలం చెల్లిన బొధన విధానాలతో విద్యాసంస్థలు మగ్గిపోతున్నాయి.చిన్నారి నైపుణ్యాన్ని గుర్తించే తీరిక ఉపాధ్యాయునికి లేదు. క్లాసులోని 40 ,50 మంది విద్యార్థుల అట్టెండెన్సు తీసుకునేసరికి సగం సమయం గడిచిపోతుంది.మిగిలిన సగం సమయంలో మార్కుల కోసం మూర్ఖపు పరుగులకు తయారు చేస్తున్నరు.
చదువంటె కేవలం సిలబస్సేనా? మంచి ప్రయాణం చదువుకాదా ? మంచి సంగీతం చదువుకాదా? చదువుకు మీరిచ్చే నిర్వచనం ఏమిటి ? ప్రతిభను కొలవడానికి మీ దగ్గరున్న తూకపు రాళ్ళేమిటి? ప్రతి పసివాడికి ఒక ప్రత్యేకత ఉంటుంది.ముందు దాన్ని గుర్తించండి,ప్రోత్సహించండి.
నేను ఈ విషయాన్ని మీకు చెప్పడానికి కారణం, ఈరోజొల్లో చదువంటె  కేవలం ర్యాంకులే అన్నట్లు చూస్తున్నారు. ఈ విధానం మారాలి.
చదువంటే ....పుస్తకాల్లోని సమాచారన్ని తలకెక్కించుకోవడం ఒక్కటే కాదు.నిన్ను నీవు తెలుసుకోవడం కూడా...!