The diary

ఎన్నో కలలు కన్నాను, ఎంతో ఊహించుకున్నాను.
           గతించిన కాలాన్ని నీలో ముద్రించాను.
సాధించిన గెలుపుల్ని,గతించిన ఓటమిని,
           నా ఆలోచనసారాన్ని నీలోనే దాచాను.
సంతోషంతో అరిచినపుడు,బాధతో నేలరాలినపుడు,
          నీపై నేను కలాన్ని కదిలించాను.
అమ్మ పంచిన ఆప్యాయతను,నాన్న చేసిన త్యాగాన్ని,
          అన్ని గుర్తులను నీలోనే బంధించాను.
నేను చూసిన అమ్మాయి,తనే నాపై వాలే తన్మయి,
           ఆమె జ్ఞాపకాలతో నిన్ను నింపేశాను.
ఏ కష్టమొచ్చిన,ఎంత బాధను చవిచూసిన
            పరిష్కారం కోసం నీలో తొంగిచూశాను.
గడిచిన కాలం,గడుస్తున్న జీవితం
            అన్ని అనుభవాలు నీతోనే పంచుకున్నాను.
చదువకై ఎగసి,కుటుంబం తలచి,
           రాలే ప్రతీ కన్నీటి బొట్టుతో నిన్నో నదిలా మార్చాను.
నా జీవితానికి గమ్యం, ఇంతకు ముందు అనుభవంతో,
            నీతో కలిసి ప్రయాణిస్తాను.
కాలం మళ్ళి తిరిగిరాకున్న,గత స్మృతులను అందించే
            నీకు ఇదే నా ప్రియగుర్తులు.